MT EI Gaia નામના જહાજ પર ઓમાનના દરિયાકાંઠે હુમલો થતાં ભારતે સખત વિરોધ વ્યક્ત કર્યો છે. કમર્શિયલ જહાજ પર હુમલાની ઘટનાને ભારતે વખોડી કાઢી છે. કમર્શિયલ જહાજમાં 14 ક્રુ સવાર હતા, જેમાંથી 13 ને બચાવી લેવામાં આવ્યા છે અને 1 ની શોધખોળ ચાલુ છે.
વિદેશ મંત્રાલય હુમલાની ઘટના બાદ આવ્યુ હરકતમાં
કમર્શિયલ જહાજો પર હુમલાની ઘટનાને ભારતે સખત શબ્દોમાં વખોડી કાઢી છે. ક્ષેત્રમાં તનાવપૂર્ણ વાતાવરણ ઓછું કરવાની વાત કરી છે. શાંતિ સ્થાપિત કરવા માટે કૂટનીતિક અને વાતચીતનો રસ્તો અપનાવવાનું વલણ રાખવાનું ભારતે સુનિશ્ચિત કર્યુ છે. કમર્શિયલ જહાજો, ભારતીય નાગરિકો, નેવી કર્મચારીઓ પર હુમલાની ઘટના સાંખી લેવામાં નહી આવે તેવુ ભારતે સ્પષ્ટ કર્યુ છે.
Ministry of External Affairs: "We condemn the attack on the commercial vessel MT El Gaia off the coast of Oman earlier today. Of the 14 Indian crew onboard, 13 Indians have been rescued so far. Search and Rescue operations for the missing Indian national are continuing. Our Embassy in Oman is closely monitoring the situation and proactively coordinating with the Omani authorities in the ongoing Search and Rescue operation. We thank the Omani authorities for their support in rescuing our nationals..."
— ANI (@ANI) September 13, 2026
ભારતે જહાજોને સુરક્ષા માટે માંગ કરી
આંતરરાષ્ટ્રીય જળમાર્ગો પરથી પસાર થતાં જહાજો માટે ભારતે સુરક્ષાની માંગ કરી છે. જહાજો પર કોઈ પ્રકારનો હુમલો ન થાય અને જહાજો સુરક્ષિત પસાર થઈ શકે તે વ્યવસ્થા સ્થાપિત કરવાની ભારતની માંગ છે. આંતરરાષ્ટ્રીય જળમાર્ગોનો ઉપયોગ કરીને અલગ-અલગ દેશો સુધી વિવિધ પ્રકારના સામાનની આયાત-નિકાસ કરવામાં આવે છે. ત્યારે આ પ્રકારના હુમલા ગંભીર ઘટના છે. ભવિષ્યમાં આવા પ્રકારના હુમલા વેપાર પર અસર પાડી શકે છે.
Our statement on the attack on a commercial vessel off the coast of Oman ⬇️ 🔗 https://t.co/u78n9UGNFF https://t.co/RjCOaDMQQL
— Randhir Jaiswal (@MEAIndia) September 13, 2026
આ પહેલા પણ ભારતીય જહાજ પર થયો હતો હુમલો
ભારતીય કમર્શિયલ જહાજ MSV ફેઝે નૂરે ઓલિયા પર યમન નજીક લાલ સાગરમાં હુમલાની અગાઉ ઘટના બની હતી. જેમાં સવાર તમામ 13 ભારતીય નાગરિકોને સુરક્ષિત રીતે બચાવી લેવામાં આવ્યા હતા. હુમલા બાદ લાલ સાગરમાં આ જહાજ 4 ઓગસ્ટના રોજ ડૂબી ગયુ હતુ.